Авиокомпанија згасна по само пет години работа: Отворена постапка за стечај

Украинската авиокомпанија Bees Airlines официјално се соочува со стечај, откако Трговскиот суд во Киев на 25 јуни отвори постапка за несолвентност против компанијата.

Според украинските медиуми, самата авиокомпанија поднела барање за отворање постапка поради постојните и неодржливи долгови. Првично, барањето било одбиено, но подоцна судот донел одлука да ја отвори постапката за несолвентност.

Bees Airlines започна со работа во март 2021 година. Непосредно пред почетокот на руската инвазија врз Украина, во февруари 2022 година, компанијата беше принудена, по барање на лизинг-компаниите, целата своја флота да ја префрли во странство.

Подоцна, Државната служба за цивилно воздухопловство на Украина ѝ го одзеде сертификатот за воздушен оператор, со што практично беше оневозможено нејзиното понатамошно работење.

Флотата на Bees Airlines се состоеше од четири авиони Boeing 737-800.

Според специјализираниот портал Avio Press, комбинацијата од воените околности, губењето на оперативниот сертификат и финансиските проблеми довела до згаснување на авиокомпанијата по само пет години постоење.

Извор: b92.net