Времето е пари: Сочувајте ги часовите во 2022 година со помош на овие пет трикови за поголема продуктивност

Ако сте еден/дна од оние вработени на кои постојано им недостига „25 – иот час во денот“, тогаш овој текст е за вас. Во 21 век, во ек на корона, воопшто не е лесно да се организирате ниту работно, ниту пак приватно, но постојат некои методи кои значајно ќе ви заштедат време, додека истовремено тоа ќе влијае на вашата успешност во работата. 

За почеток, сумирајте ги своите „прозорци“ или т.н. табови на компјутерот (1). Држете ги отворени оние веб страни кои навистина ви требаат во одредениот момент, за да не го преоптоварите и забавите компјутерот. Користење на алатки за консолидација на табовите може да ви помогне да работите побрзо. 

Започнете рутина на испраќање на распоредот (2), доцна навечер и рано наутро, за да навреме ги подготвите работниците за тоа што ги чека тој ден. Закажувањето на испраќањето на агендата ве ослободува од евентуалните потешкотии со поставувањето на потсетник и чекање на моментот кога ќе кликнете на копчето „испрати“ во мејлот. Исто така, ова добро функционира за оние кои работат флексибилно, на далечина. 

Користете ги претходно напишаните „шаблони“ во мејлот (3), за да го скратите процесот на пишување и да заштедите време секогаш кога треба да испратите електронска порака. Гледајте да поедноставите се што можете. Секако, со претходно формирам потпис со податоци за тоа како се викате, каде работите и на која позиција и кој е вашиот контакт (меил и број на телефон). 

Интегрирајте го вашиот календар и примарниот сервис за размена на податоци на работа (4).

На пример. апликацијата Slack ви овозможува да се интегрирате со Гугл календарот и ви дава редовни потсетнци за тоа кога имате состаноци. Тоа, не само што ви штеди на време, туку ги вклучува и сите релевантни линкови во вашите потсетници, што ви овозможува лесно да присуствувате на состанокот, без да ја напуштите апликацијата. 

Бележниците се можеби најстариот трик во книгата (5), но некогаш ви е потребна малку мудрост за да ги користите адекватно. 

Начинот на кој забележувате нешто зависи од текот на работата и од тоа дали сакате да „поминувате“ низ документите по датуми, итноста или според распоредот. Организирајте ги бележниците на основа на личниот стил на управување со прокетот и користете фасцикли, имиња, бои итн. 

Извор: Telegraf Biznis

Фото: Freepik