Еве што треба да направи вашиот претпоставен пред да се вратите на работа
Фејсбук статус на М-р Милан Петковски:
И покрај глувиот телефон со нашиве големци од тековнава администрација, би сакал да ги заобиколам и ви споделам неколку препораки кои доколку сметате дека ви се корисни да ги примените доколку се враќате на работа по прележан #COVID19
Имено Вашиот претпоставен би требало:
– Да одржи состанок со вас пред да се вратите на работа за да разговарате за процесот на работа и да прашате евентуално како тие можат да ви помогнат (телефон или видео конференција е соодветна за време на пандемија);
– Да организира преглед што е можно побрзо по вашето враќање на работата (ова е законска обврска која произлегува од законот за безбедност и здравје на работа;
– Да ги прегледа работните задачи кои треба да ги спроведувате и да се погрижи да не сте под претеран притисок;
– Да го вклучи стручното лице за безбедност при работа, лекарот или службата за медицина, одделот за човечки ресурси и/или претставниците на работниците во процесот на Ваше враќање на работа.
Претпоставениот и вие би требало да ги продискутирате барањата за работа според категориите наведени подолу и да утврдите во колкав процент од овие барања се присутни во еден Ваш работен ден (пред боледувањето) и да утврдите дали сметате дека овие барања ќе бидат проблем при враќање на работа:
– когнитивни барања – обработка на комплексни податоци, внесување податоци што бараат интензивна концентрација, брзо менување на задачите, користење повеќе системи, донесување сложени одлуки, донесување брзи и ризични одлуки, управување со односи со повеќе засегнати страни или повеќе извештаи;
– физички барања – повторливи движења, статични позиции, повремено движење на небалансирани или тешки предмети;
– емоционални барања – работа со ранливи луѓе / деца, клиенти / клиенти кои имаат потреба, потенцијална опасност од агресија или насилство, потреба за емоционална флексибилност и издржливост.
Ова може да помогне да се идентификуваат специфични и корисни прилагодувања.
