Колку вработени имале петте национални телевизии во 2020 година

Просечниот број на вработени во петте телевизии што емитуваат програма на државно ниво преку терестријален предавател (Алфа, АлсатМ, Канал 5, Сител и Телма) лани изнесувал 609 лица. Ова го покажува Анализата на пазарот на аудио и аудиовизуелни медиумски услуги. 

„Најголем број од нив биле вработени во Сител (149), Канал 5 (138). Во АлсатМ бројот на вработени изнесувал 116, во Алфа 106 и во Телма 100“, стои во Анализата. 

Во споредба со претходната година, просечниот број на вработени во овие пет телевизии бил зголемен за 40 лица, од кои 23 во Алфа, 7 во Сител, 6 во АлсатМ и по 2 лица во Канал 5 и Телма. 

На 31.12.2020 година, вкупниот број на вработени во овие пет телевизии изнесувал 726. Од нив во редовен работен однос бил 622, а 104 биле хонорарно ангажирани, се вели во анализата.