Компанијата и’ дала отказ на вработената додека чекала бебето да и’ се оперира: Отказот го добила преку Вибер
Во случај да не сте сигурни, па проверите на интернет што точно значи синтагмата „општествено одговорна компанија“ ќе добиете одговор дека тоа е, меѓу другото, компанија која се грижи за своите вработени, почитувајќи ги етичките и моралните стандарди и се грижи за добросостојбата на своите вработени, овозможувајќи им да имаат чесни плати и можност за напредување во кариерата.
Оваа синтагма во Србија сѐ почесто се користи кога компаниите во јавноста зборуваат за својот начин на работење. Сепак, многу се примерите каде праксата покажува некое друго лице и контрадикторна природа на работењето во бруталното капиталистичко општество.
Само еден од ваквите примери е и случајот на Б.Ј. (името и’ познато на редакцијата на Telegraf.rs), административна работничка во трговската компанија „Аман“, која се соочи со губење на работата во еден од најпредизвикувачките моменти во животот.
Б.Ј. е млада мајка која во компанијата „Аман“ почнала да работи како административен работник во мај 2023 година. Првиот договор бил на определено време, па истите договори се менувале – од оние кои траеле по еден месец до конечно договор на шест месеци.
Во пролетта 2024 година, Б.Ј. стана мајка, па, како што овозможува Законот за работни односи, отворила породилно боледување. Во овој момент нејзиниот договор за работа сѐ уште бил на определено време.
Како што Б.Ј. изјави за „Телеграф Бизнис“, во моментот кога нејзиниот договор за работа требало да престане, во мај 2025 година, а бидејќи сѐ уште била на породилно боледување, од фирмата ѝ рекле дека ќе ѝ го продолжат договорот до крајот на боледувањето.
На синот на Б.Ј. му е дијагностициран мегауретер, односно проширен уретер, поради што на детето му е одредено хируршко лекување кое подразбира дури два оперативни зафати. На 11.09.2025 година Б.Ј. со својот син е примена во болница, каде што бебето требало да биде подложено на првата од двете операции.
Како што наведува, Б.Ј. го известила својот надреден за настапувањето на новото боледување и му испратила фотографии од дознаките како доказ. На 15.09. Б.Ј. и нејзиниот син се отпуштени од болница поради тоа што момчето развило респираторна инфекција, па операцијата морала да биде одложена до понатаму. Б.Ј. рекла дека нејзиното боледување по основ на нега на дете требало да трае до пролетта следната година, кога нејзиниот син конечно би завршил со двете операции и би бил способен да тргне во градинка, бидејќи веќе бил примен во државна градинка.
Според нејзините наводи, докторката која го водела нејзиниот случај ѝ рекла дека не може да ѝ отвори боледување по основ на грижа за дете до 12.09.2025 година затоа што дури тој датум завршува нејзиното породилно боледување, па новото боледување е отворено на 13.09.2025 година.
Непријатното изненадување стигнало на 17.09. кога Б.Ј. примила порака преку Вибер од својот надреден, со која ја известил дека нејзиниот договор за работа повеќе нема да биде продолжен.
Повеќе тука
